BMA Directory 2010-2011 Tlangzarh a ni ta!
Pathianni 17th October, inkhawm banah Bangalore Mizo Association chuan kumtina an lo siam thin Directory 2010-2011 chu a tlangzarh. President Rev. C. Vanlaldika chuan hun a kaihruai a. Directory hi Vangpui Kut 2010 a Kut Pa Pu PS Chhuasa an a tlangzarh a ni. BMA Directory hi siam a hautak tham hle a. Directory sub-committee te an hahin, an hun tam tak an seng a, tha tak mai an rawn tichhuak thei hi a lawmawm hle a ni.
Kuminah hian he Directory atan hian membership form lakluh hun hnuhnung atan August ni 29 ruat a ni a. Hemi hnu hian membership form chu a lut reng tho a, mahse Directory atan bika kan ziahluh theih chin chu member 703 an ni ta a ni. Hetah hian hnathawka inziaklut chu mi 112 an ni a, mahse zir emaw hnathawh emaw ziaklo hi an awm nual avangin hei ai hian an tam thei bawk.
Directory hi a copy siam tam lutuk a nilova. Bu khat hi Rs.50/- in hralh a ni. Chanloh palh pawh a awm theih avangin Bangalore-a Mizo te chuan lei vek kan tum dawn nia. Directory bu ah hian Bangalore-a awm turte atan hriat tur chi leh lehkha zir turte tana hriat tur chi pawh telh a ni.
Thulakna: www.bangaloremizo.info
