Hraite Min Chawitir (Editor Hla Thlan)
He hla phuahtu Rothangpuii hi mit del a ni a. Chuti chung chuan nau a pai tat lat mai a, naute pa hi Hualngo hmun L/P School zirtirtu a ni a, nau a paitir hnu hian a tlansan ta a.Rothangpuii hian a hmangaih hle a, neih ngei a duh a. Tichuan he hla hi a phuah ta a, an innei ta nge nge a ni e, an ti.(Machhuana @ Lung Tileng)
He hla-ah hi Rothangpuii thinglung-riltu farchhuak kan hmu thei .
HRAITE MIN CHAWITIR
-Rothangpuii
Awm khawhar mahten run ka nghah changin,
Thinlaia khat phu loh leng ngaih;
‘Aw le’ ti renga’n enga’n ka lo pian,
Zatlang ka thang chuang kan vangkhua-ah,
Hmelmate diriam nan,
Min tiriang lua e, kei ka di ve hian.
Thunawn
Aw ka tuara’n a na lua e,
I thinlai rukah tinkim dawnin,
Ka chan inchantir la,
A na lua e, lungmawl kei ka tuar-ah.
Hraite min chawitir rianghlei ka tangah,
Kumtluang then loh nan maw ka ti;
A pawi em mai puan ang min hnawl leh si,
Piallei hi ral se thimpui lo zingin;
Kei ka tan chuan lawmna,
Ka ngai ngam lo leng dang i pawm tur chu.
Khawvel pawh fang chhuakin kei ka tan chuan,
Min hmangaihtu dang ka tawng lo’ng;
I duhaisam ngei chuan mi thlang leh la,
Sawi nawn a har ngei kei zawng i kiangah;
Run hmuna leng turin,
Di enchim loh ka hma hi ngai ve rawh.
