Khaw thenkhatah lei chê
Kar kalta atanga Ngopa khuaa lei chê chu nimin khan a chêt belh leh a, chhungkaw pali an insuan chhuak a; lei chêt avang hian chhungkaw 60 vel chu dinhmun hlauhthawnawmah an awm mek nia thu dawn a ni.
Darlung Vengthar kâwn pawh nasa takin a khì a, lei khîkna hmuna awm, Vanlalsiama in chu Pathianni khan hnatlanga thiah a ni. Darlung Vengthar kâwn hi kawng péng thuam pawimawh tak a ni a, lei a chêt zel chuan harsatna lian zawk a thleng thei niin Darlung VCP, B Lalringliana chuan a sawi.
Mamit Bazar Venga lei chê pawh tun hnai khan a che nawn leh a, a huam chhunga awm in panga chu vawiin hian thiah an tum. Bazar Veng V/C chuan hnatlang koin thil kalpui zel dan turah nimin khan Mamit DC nen an inberáwn a ni. Mamit Bazar Veng lei khî avang hian in pali thiah a ni tawh a, in 20 chuang rauhsan rih a ni bawk.
Thulakna: Vanglaini
