Darkar khat aia tam khup/malpuia laptop nghattu mipaten chithlah(raitir) kawngah harsatna an tawh theih thu, zirchiangtu Italian- Padua scientist te chuan ni 22 February 2011 khan thu an tichhuak.
Zirchiangtu mi thiamte chuan, khup/malpuia laptop nghah hian darkar khat chhungin two degrees Celsius (four degrees Fahrenheit vel)-in mipa tilmu pang a tihsat belh theih thu sawiin, chu chuanin mipa chi(baw) tikhaw lovin chithlah kawngah harsatna a siam thei a ni, an ti. Zirchiangtute chuan khawvelah mipa maktaduai tam takin an khup/malpui-ah laptop nghatin an hman thin thu leh darkar khat aia tam an hman hnu pawhin an tilmu leh a chhehvel pangti sa chho hret hret chu an hriatchhuah loh thin thu an tarlang tel bawk.
Zirchiangtute hian kekawr tawt lutuk hak te, pindan zim leh sa lutuka inkhung beh te leh natna thenkhatte avangin mipate chuan chithlah kawngah harsatna an tawk thei bawk, niin an sawi.
Thulakna: Fox News, ANSA.IT