Mizote leh Sial (Editor Thlalak Thlan)
Hmanlai Mizote nunah chuan Sial hian khaw tin khawtlangah hmun a awh pawimawh hle a. Hausa an tehna pawh Sial an ngah leh ngah lohah a ni a, an hunlai tangka ber pawh Sial a ni.Mi hausa leh neinungin khuang an chawi pawhin ‘Sechhun ’ tih a ni a, Sial vulh ve lo tan chuan khuangchawi rual a ni lo.Man leh mual thilah (hmeichhe man atan) pawh ‘Se chuti zat man ’ tiin an sawi a,puipun nikhuaah Sial hi leklam ber niin an ngaihlu em em thin.
Mizo thufing tam tak pawh hmanlai Mizote Sial vulh atanga lo chhuak a ni. Entirnan: - “Tawngkam tha-in Sial a man,” , “Sial rangin Sial rang a hring,” , “Se bo hnu-a Se kawng khar ang,”.Nula hmeltha tak sawi nan te pawh, “Siali ” tih te an lo hmang thin a, “I sakhmelin Sial a iang e,” te an ti thin.
Mizo ranvulh zinga pawimawh ber tiha mawi Sial hian kan thu leh hla a tihausa nasa hle bawk.Sial hian hla thu mawi tak tak leh tawngkauchheh pawimawh tak tak min pe nual bawk a ni.
Thlalak: Zawlbuk Photo in Facebook
Thlalak: misual.com
