Ruihhlo Hal Ral A Ni - Central YMA / CADS

21/07/2010 20:15

Tukin 21st July, 2010 zing dar 7:00 khan Chief Secretary, Mizoram Pu Vanhela Pachuau chuan Central Anti Drugs Squad ten Ruihhlo an man, Excise/Police hnena hlan bang te chu Central YMA Hall kawtah a hal ral. Ruihhlo halral te hi :-

1. Parvon/Proxyvon - 25,891 Capsules
2. No 4 (Heroin) - 5 Hawng, 150 Cans, 100 Caps
3. Nitrosun - 450 Tablets
4. Ganja - 5 Kgs

Heng bakah hian Police/Excise a pek tawh zat chu hetiang hi a ni :-

1. Parvon/Proxyvon - 15,817 Capsules
2. No. 4 (Heroin) - 14 Hawng, 108 Cans, 180 Caps
3. Nitrosun - 180 Tablets
4. Ganja - 47 Kgs.
5. Police/Excise a pek - Mi 45
6. Home a dah - Mi 8

CADS te Ruihhlo man tawh zawng zawng hi (Ni 29th May - 20th July, 2010) Rs. 36,60,286.00 man a ni.

Halral inkhawm hi Pu Lal Chungnunga, President-in a kaihruai a, Report Pu R. Lalngheta, Convener CADS-in a pe a, Khuallian Pu Vanhela Pachuau, Chief Secretary in thu a sawi bawk. He inkhawmah hian Synod Social Front in Rs. 50,000.00, Kulikawn Presbyterian Kohhran Rs. 5,000.00, Vaivakawn Presbyterian Kohhran Rs. 5,000.00 leh Khatla Branch YMA Rs. 5,000.00 atangin tanpuina kan dawng. Heng bakah hian tunkar chhungin CADS tanpuina hetiang hian kan dawng. Pu Lal Chungnunga, President Rs. 1,600.00, Chanmari Branch YMA Rs. 5,000.00, President, VC Durtlang North Rs. 5,000.00, L.H. Thanga Enterprise - Torch Light 10 Nos) leh Pu R.L. Rindika CEC, Bungkawn Chini 30 kgs. Tanpuina min pe thintu zawng zawngte chungah lawmthu kan sawi tak meuh meuh a ni.

Naktuk Ni 22nd July, 2010 zan dar 7:00 hian CADS member te leh an chhungte pualin Central YMA Hall-ah Fellowsip neih tur a ni a, Rev. C. Chanchinmawia hnen atangin Pathian thuchah ngaihthlak a ni ang a, Zaipawl Bawngkawn Pastor Bial Zaipawl, Nl. Maggie Malsawmzuali leh Nl. Nancy Zothanmawii te hnen atangin Pathian fakna hla ngaihthlak a ni ang a, OPUS Sound ten a thlawnin Sound System leh Light an thawh bawk ang. Mission Veng Branch KTP ten Ushering leh Reception bakah Refreshment an buaipui ang.. He hunah hian CEC leh Kumpuan Sub-Committee Members te bakah a thei apiang tel turin kan in sawm a ni e.

Thulakna: Central YMA

Back